Sorbus aria

Sorbus aria

Aspècte general

Classificacion
Règne	Plantae
Division	Magnoliophyta
Classa	Magnoliopsida
Òrdre	Rosales
Familha	Rosaceae
Genre	Sorbus

Nom binominal

Sorbus aria
(L.) Crantz, 1763

Classificacion filogenetica

Classificacion filogenetica
Òrdre	Rosales
Familha	Rosaceae

Reparticion geografica

L'Albièr, Albièr blanc, o Sorbièr dels Alps (Sorbus aria) es un arbre de la familha Rosacèas originari del sud d'Euròpa^[1].

Descripcion

Fuèlhas e flors

Fuèlhas blancas dessós

Fruits

L'albièr blanc es un arbre ermafrodit de camba dreita e de forma ovoïda que pòt mesurar de 3 a 20 m.

L'escòrça es grisa, las fuèlhas altèrnas, irregularament dentadas, tomentosas blancas dessós.

Pòrta al mitan de la prima d'inflorescéncias en corimbe pollinizadas per entomogamia.

Los fruits (alisas) son de drupas escampilhadas per via endozoocòra.

L'albièr blanc presa las zonas de ròcas, bòsques sècs, las cassanhas pubescentas, fajedas sècas, bòsques de puèges e de combas de tendància sèca, pinedas, bòsques acidofils submontanhòls e montanhòls, limit de bòsc.

Proprietats

Son fruit es pas toxic: es considerat coma comestible, mas sa carn es farinosa e d'una sabor a l'encòp acidulada e sucrada. Servís de còps que i a per aprestar de confituras après las premièras geladas.

Sosespècias e varietetats

Sorbus aria (L.) Crantz subsp. aria dels bòsques caducifoliats medioeuropèus, basofils, oligotrofils
Sorbus aria (L.) Crantz subsp. aria var. incisa dels bòsques caducifoliats medioeuropèus, basofils, montanhòls dels vabres
Sorbus aria (L.) Crantz subsp. cretica des bòsques caducifoliats medioeuropèus, basofils, occidentals

Ibrid

Lo crosament de l'albièr blanc amb lo perièr commun donèt naissença a un ibrid intergeneric nomenat ×Sorbopyrus auricularis dich perièr de Bollwiller.

Referéncias

↑ Source: Julve, Ph., 1998 ff. - Baseflor. Index botanique, écologique et chorologique de la flore de France. Version : 23 avril 2004 - Rameau J.C. et al., 1989, Flore forestière française - tome 1

Veire tanben