Semovente da 47/32

Lo Semovente L40 47/32 es un canon d'assaut italian intrat en servici en 1942. Utilizava lo quadre dau carri Fiat L6/40, un carri leugier obsolèt, coma basa per installar un canon anticarri de 47 mm. L'objectiu èra de melhorar la poissança de fuòc dei fòrças armadas italianas que mancavan d'armas per combatre lei blindats aliats e sovietics. La produccion foguèt de 475 exemplaris que foguèron utilizats dins l'armada italiana e dins la Wehrmacht après la capitulacion d'Itàlia.

Semovente da 47/32 en 1942.

Coma per leis autrei blindats italians de la Segonda Guèrra Mondiala, sa concepcion foguèt lònga e lo Semovente L40 47/32 èra obsolèt a son intrada en servici. En particular, lo canon de 47 mm èra incapable de traucar lo blindatge dei carris mejans advèrs. Pasmens, coma leis Italians mancavan de veïculs, foguèron obligats d'utilizar lo Semovente da 47/32 fins a la fin de la guèrra. Leis Alemands donèron leis exemplaris capturats ò produchs dins l'Itàlia ocupada a Eslovaquia e Croàcia.

Liames intèrnes

• Canon d'assaut.

Bibliografia

• (en) F. Cappellano e P. P. Battistelli, Italian light tanks, 1919–45, Osprey Publishing, 2012.