Segonda guèrra de l'òpi
La Segonda guèrra de l'òpi se debanèt de 1856 a 1860. Opausèt lei Britanics e lei Francés a l'Empèri Chinés de la dinastia Qing. Foguèt la perseguida de la politica europèa acomençada en 1839 durant la Premiera guèrra de l'òpi (1839-1842) per obtenir la dubertura de China au comèrci mondiau. Per obtenir una libertat de comèrci pus importanta, lei govèrns anglés e francés mandèron donc una fòrça militara per constrénher lo govèrn imperiau d'acceptar de condicions novèlas pus favorablas ais Europèus. Aprofichèron tanben lo fach que la màger de l'armada Qing èra ocupada dins lo centre dau país per lei combats de la Revòuta Taiping. En causa dau refús de l'emperaire, ataquèron Tianjin e obtenguèron un tractat novèu en 1858. Pasmens, lo govèrn chinés assaièt d'alentir son aplicacion causant una ofensiva novèla en direccion de Pequin que foguèt presa per leis Europèus e parcialament pilhada. Après aquela desfacha, lei Chinés deguèron acceptar lei condicions de patz deis Occidentaus marcant un afebliment grèu de la dinastia Qing.
|
Segonda guèrra de l'òpi
| |
|---|---|
 | |
| Informacions generalas | |
| Data | |
| Luòc | |
| Eissida | |