Scud
Lei Scud son una familha de missils balistics sòu-sòu sovietics. Lo tèrme vèn dei règlas de nomenclatura de l'OTAN per designar lo missil R-11 e sei versions ulterioras (R-17, R-300). Desvolopada a partir deis ans 1950, la premiera version intrèt en servici en 1957. Pauc precisa (3 000 m), aviá una portada de 130 km e portava una carga militara de 950 kg. Lei versions seguentas melhorèron aquelei caracteristicas per obtenir finalament una arma relativament precisa amb la version D (700 km de portada per una precision de 50 m). D'autrei versions foguèron desvolopadas per de país utilizators, generalament per aumentar la portada en cambi d'una demenicion de la precision.
