Sandra
Sandra Ann Lauer, coneguda per son pichon nom Sandra (Saarbrücken, 18 mai 1962) es una cantaira populara anglofòna alemanda, tanben de nacionalitat francesa per son paire.
Es estada l'una de las cantairas las mai popularas en Euròpa entre 1985 e 1992, doncas cantaira emblematica de la new wave tardiva, se pòt aital véser una ligason entre sa baissa de popularitat al començament de las annadas 1990 amb l'aflaquiment del dit genre new wave.
Biografia modificar
Membre del grop disco Arabesque de 1978 fins a 1984, comença en seguida una carrièra sòlo còsta Michael Cretu, musician alemand d'origina romanesa, que ven son marit en 1988. Aqueste li compausa un tròç new wave, (I'll Never Be) Maria Magdalena, que fa referéncia a Marlene Dietrich (Maria Magdalena es son pichon nom vertadièr) que ven una capitada internacionala en 1985.
Sandra a vendut mai de trenta milions de disques dins lo monde. Se Maria Magdalena demòra sa mai gròssa capitada, es tanben coneguda per d'autres tubes màgers de la fin de las annadas 1980 coma In the Heat of the Night en 1986, Everlasting Love (represa de Robert Knight) en 1987 o encara Heaven Can Wait en 1988.
En parallèla de sa carrièra coma cantaira solò, de 1990 fins a 2003, pausèt sa votz sus las composicions del famós projècte electro new age Enigma, creat per son marit Michael Cretu.
Se canta mai que mai en anglés, a agut cantat tanben en alemand (sa lenga mairala) e quitament un pauc en francés (per exemple, per la part en francés de Sadeness d'Enigma).[1]
Discografia modificar
- 1985 : The Long Play
- 1986 : Mirrors
- 1988 : Into a Secret Land
- 1990 : Paintings in Yellow
- 1992 : Close to Seven
- 1995 : Fading Shades
- 2002 : The Wheel of Time
- 2007 : The Art of Love
- 2009 : Back to Life
- 2012 : Stay in Touch
Cançons mai conegudas modificar
- (I'll Never Be) Maria Magdalena (1985)
- In the Heat of the Night (1986)
- Innocent love (1986)
- Hi, Hi, Hi (1986)
- Everlasting Love (1987, represa de Robert Knight)
- Heaven Can Wait (1988)
- Secret land (1988)
- We'll be together (1989)
- Around my heart (1989)
- Hiroshima (1990)
- (Life May Be) A Big Insanity (1990)
- Don't be aggressive (1992)