Samuel Huntington

Samuel Phillips Huntington, (18 d'abril de 1927, Nòva York - 24 de decembre de 2008, Martha's Vineyard, Massachusetts), èra un professor estatsunians de sciéncia politica autor d'un libre intitulat Lo tust de las civilizacions.

Samuel Huntington en 2004 al Forum economic mondial de Davos.

Biografia

Nascut en 1927 a Nòva York, Samuel Huntington èra un estudiant brilhant diplomat de l'universitat de Yale a dètz e uèit ans. Comencèt la seuna carrièra d'ensenhant a vint e tres ans a l'Universitat de Harvard, universitat ont trabalhèt pendent cinquanta e uièt ans. Arrestèt los seus corses en 2007. De tendéncia conservatriça, foguèt tanben membre del Conselh de securitat nacionala dins l’administracion Carter. Es autor, coautor o editor de dètz e set obratges e de nonantas articles scientifics sus de subjèctes politics divèrses: la politica americana, la democratizacion, la politica militar, l'estrategia o la politica de desvolopament. En 1957, escriguèt un libre sus l'armada, The Soldier and the State (Lo soldat e l'Estat). Explica que la profession militara a per objècte lo « management de la violença »; escapa a las motivacions economicas e tanben al patriotisme passatgièr del soldat ciutadan. Es fach de l'amor del mestièr e del pensament de contunh de la grandor de l'Estat e del ben-èsser de la sociat.

Los seus libres mai coneguts son Lo tust de las civilizacions, que faguèt fòrça contovèrsias, e Qui siam? Identitat nacionala e tust de las culturas. De comentators reprochèron a Huntington de dessenhar un Occident assetjat per de civilizacions ostilas alara que lo mond es totjorn mai interdependent. Los tenents de las teorias d'Huntington se sentiguèron confortadas dins la seuna paur dels atentats de l'11 de setembre de 2001. A aquò l'autor respondèt: «Los evenements donan una cèrta validitat a las meunas teorias. Prefeririái que ne siá autrament.»

Lo tust de las civilizacions

Article detalhat: Lo tust de las civilizacions.

Lo Tust de las civilizacions es eissit d'un article, « The Clash of Civilizations » publicat en 1993 dins la revista Foreign Affairs. Los atentats de l'11 de setembre de 2001 projetèron sa vision geopolitica dins l'actualitat e provoquèron una controvèrsia.

Qui siam? Identitat nacionala e tust de las culturas

Dins son obrtge Who are We? The challenge to America's national identity, Hungtinton s'interessèt als fondaments de l'identitat, e mai particularament de l'identitat americana, confrontada a una nòva èrsa d'imigracion. Aquel pamflet foguèt percebut coma l'expression de l'ànsia dels WASPs dins lo contèxte de l'espendida demografica dels ispanics, parlant castelhan, de cultura latina e catolica, fòrça plan diferenciablas del monde anglosaxon.

Publicacions

• Soldier and the State: The Theory and Politics of Civil-Military Relations (1957),
• The Common Defense: Strategic Programs in National Politics (1961),
• Political Order in Changing Societies (1968),
• The Crisis of Democracy: On the Governability of Democracies (1976),
• American Politics: The Promise of Disharmony (1981),
• The Third Wave: Democratization in the Late Twentieth Century (1991),
• The Clash of Civilizations and the Remaking of World Order (1996),
• Who Are We: The Challenges to America's National Identity (2004),
• No Easy Choice: Political Participation in Developing Countries

Nòtas e referéncias

• (fr) Aqueste article es parcialament o en totalitat eissit d’una traduccion de l’article de Wikipèdia en francés intitolat « Samuel Huntington ».

Vejatz tanben

Bibliografia

• (fr)Jim Cohen, « Samuel Huntington dans l’univers stratégique américain », in Mouvements, n° 30 2003/5, p. 21 à 30. en linha PDF
• (fr)Marc Crépon, L'imposture du choc des civilisations, Pleins Feux, 2002. « Huntington ou la culture de l'ennemi », compte rendut de René-Éric Dagorn per la revista EspaceTemps.net (5 març de 2003).
• Frédérick Douzet, « Le cauchemar hispanique de Samuel Huntington », rev.Hérodote, n° 115 2004/4, p. 31 à 51. en linha PDF
• (fr)Philippe Raggi, « Huntington et le choc des civilisations en question », una lectura de l'obrtge de Samuel Huntington en linha

Articles connèxes

• Geopolitica

Ligams extèrnes

• (fr) « Samuel Huntington », dossièr de La République des Lettres