Sètge de Sebastòple (1941-1942)

Lo sètge de Sebastòple se debanèt dau 30 d'octòbre de 1941 au 4 de julhet de 1942 dins lo corrent de la Segonda Guèrra Mondiala. Opausèt lei fòrças de l'Axe, principalament aquelei d'Alemanha e de Romania, ai tropas sovieticas. La garnison de la basa navala resistiguèt amb acarnament, especialament dins lo corrent de l'ivèrn, mai deguèt finalament capitular.

Destruccion dau pòrt de Sebastòple a la fin de la batalha.

L'Armada Roja perdiguèt 95 000 presoniers e 18 000 tuats. Pasmens, una partida dei defensors poguèt s'embarcar dins lei naviris de la flòta sovietica de la Mar Negra e s'enfugir. Leis Alemands perdiguèron 27 000 soudats (4 250 tuats, 1 520 dispareguts, 21 600 bleçats) e lei Romanés 8 500 òmes (1 600 tuats, 280 dispareguts e 6 600 bleçats). De mai, la XI^en armada alemanda, blocada a l'entorn de la vila, poguèt pas participar a l'ofensiva que menèt a la batalha de Stalingrad.