Ret d'Universitats Institut Joan Lluís Vives


La Ret d'Universitats Institut Joan Lluís Vives (en catalan Xarxa d'Universitats Institut Joan Lluís Vives (IJLV) es una associacion sens tòca lucrativa entre d'institucions academicas dels Païses Catalans. Foguèt creada en 1994 e a per objectiu de coordenar l'ensenhament, la recèrca e las activitats culturalas de las divèrsas institucions academicas que ne fan partida e de potenciar l'usatge de la lenga catalana.


Istòria modificar

Lo 28 d'octobre de 1994, los rectors de 13 universitats de l'arc mediterranèu s'amassèron a Morella (vila del nòrd del País Valencian) per i signar l'acta de constitucion d'una associacion d'universitats amb entitat juridica pròpria e sens tòca lucrativa: la Ret d'Universitats Institut Joan Lluís Vives. Recebèt aqueste nom pr'amor d'onorar la memòria de l'umanista valencian Joan Lluís Vives.

A l'ora d'ara, l'Institut Joan Lluís Vives es format per 22 universitats. Aquesta associacion representa un collectiu superior a 430 000 personas, que 400 000 ne son estudiants, 26 000 professors e 10 000 membres del personal d'administracion e servicis.

A las universitats qu'amassa la Ret s'impartisson mai de 1400 diplòmas que condusisson a l'obtencion de 300 diplomaturas, 360 licéncias e 740 programas de doctorat. S'i ofrisson, a l'encòp, 60 quites estudis e 930 mastèrs e de corses de post-gra. Totes los domenis del saber i an preséncia: Bèlas Arts, Umanitats, Sciéncias Socialas, Sciéncias de l'Educacion, Sciéncias Experimentalas e Environamentalas, Sciéncias de la santat, Arquitectura, Engenhariá e Educacion Fisica.

Universitats qu'intègran la Ret IJLV modificar

Ligams extèrnes modificar