Resèrva Africana de Sijan
La resèrva africana de Sijan es un parc tematic situat prèp de la vila de Sijan e a 15 km de Narbona, en Occitània, ont, en situacion de semilibertat, vivon mai de tres mila animals, majoritariament d'origina africana.
Zònas
modificarLa dintrada dins la resèrva se fa en veitura per la zòna 1 e lo long del percors òm pòt visitar los mitans seguent amb las espècias d'animals respectivas :
- Zòna 1: òm pòt veire antilòps, buòus o bufles africans e zèbras.
- Zòna 2: òm pòt observar estrucis e antilòps de divèrsas espècias.
- Zòna 3: se vei ases salvatges de Pèrsia, estrucis e girafas.
- Zòna 4: ocupada pels orses de Tibet.
- Zòna 5: demòran los dos leons e una seisena de leonas.
- Zònas 6 e 7: zòna dicha de savana, amb de rinocerosses blancs, marabós, blesboks e sitatungas.
La rèsta del percors se fa a pè e s'i pòt veire Elefants, Camèls, Leopards, Cangorós, Chimpanzés, zèbras, sèrps, alligotòrs, tartugas, Pòrcs de Vietnam, girafas, ibís, pòrcs espins, vibres e divèrses aucèls, que se destacan per lor espectaclós los flamencs ròses e los Pelicans, que vivon a l'estanh de l'Uèlh de Can.
Per ne far la visita cal entre tres e quatre oras, encara que s'i pòt demorar tot lo jorn se se vòl.