Relhac (Nontronés)

Relhac (Reilhac en francés) es una anciana comuna d'Occitània, dins la region istorica de Perigòrd, situada dins lo departament de Dordonha de la region de Novela Aquitània, ancianament d'Aquitània. Es aura dins la comuna de Champs Niers e Relhac.

Relhac Reilhac

La gleisa de Sent Pau de Relhac.
Geografia fisica
Coordenadas	45° 41′ 07″ N, 0° 41′ 47″ E
Altituds · Mejana	247 m
Geografia politica
Region ist	Lemosin
Estat	França
Region	Novela Aquitània
Departament	Dordonha
Arrondiment	Nontronh
Canton	Canton dau Perigòrd Verd Nontronés (Bussiera Badiu davant 2015)
Intercom	CC dau Perigòrd Nontronés
Comuna	Champs Niers e Relhac
Autras informacions
Còde postal	24360
Còde INSEE de seccion	24100 (lo de Champs Niers e Relhac)
Sit(s) toristic(s)	Gleisa romanica
Divèrs	anciana comuna

Geografia

Toponimia

Relhac es atestat en 1365 emb una latinizacion Relhacum. La prononciacion es [re’ʎa]. Relhac ven d'un nom latin emb lo sufixe -acum (latinizacion dau sufixe gallic -ācon) : Regulius, vengut de Regulus, cognomen roman, per Tanet e Hordé, Regilius o Regulius, per Dauzat e Rostaing e per Bénédicte Boyrie-Fénié ^[1]^,^[2]^,^[3]. Relhac èra donc probablament una anciana granda propietat antica qu'aviá per mestre Regilius o Regul(i)us.

Istòria

Relhac dependiá de la diocèsi de Limòtges ^[4] (e donc Relhac es pas en Perigòrd mas en Lemosin).

Entre 1790 e 1805, las doas comunas de Relhac e de Champs Niers eran independentas. Entre 1805 e 1847, fusioneren emb lo nom de Relhac e Champs Niers. A partir de 1847, lo nom venguet Champs Niers e Relhac (probablament) en chamnhant de chapluec ^[5]. Empacha pas que lo cas es curiós : Relhac era una comuna pus pitita en populacion (en superficia tanben, probablament) e lo borg de Relhac es en situacion periferica dins la comuna.