Piemont

Piemont (AFI: /pjeˈmun/) es una region del Nòrd-oèst d'Itàlia que caup la màger part de las Valadas Occitanas e dels occitans d'aquel estat. La capitala n'es Turin.

Region Piemont
Règ·ion Piemont
Regione Piemonte

Piemont (oc) Piemonte (it) Piemont (pms)
(Bandièra)
Administracion
Capitala	Turin
Politica
• President	Alberto Cirio (ca) (2019–)
Geografia
44° 57′ 35″ N, 7° 55′ 10″ E
Estat Itàlia Capluòc Turin Províncias 1 206
Superfícia	25 402 km²
Altitud mejana	421 m
Fus orari	UTC+01:00 (ora estandard) UTC+02:00 (ora d'estiu)
Demografia
• Totala	4 463 135 ab. (31 de decembre de 2019 )
• Densitat	175,7 ab./km²
Autras informacions
ISO 3166-2	IT-21
Sit web	regione.piemonte.it

Geografia

Val Formazza.

Piemont fa partit de la region naturala de la plana de Pò, a costat de Lombardia, de Venèt, d'Emília e Romanha e de Trentin-Aut Adige.

Piemont es enrodat, sus tres costats, per los Aups, inclusent Vísol al pè del qual Pò a la font, e lo mont Ròse. La geografia de Piemont es la d'un territòri mai que mai montanhós (à 43,3 %) mas que comporta tanben de vasts espacis de còlas (30,3 % del territòri e de planas (26,4 %). Piemont es la segonda pus granda region d'Itàlia, après Sicília, en termes de superfícia, sus las vint regions que compta lo país. Son territòri cobrís mai que mai la part superiora del bacin de Pò, que nais a l'oèst de la region, e es lo pus important flume italian. Pò reculhís l'aiga venent dels rius comprés dins lo bacin Aups e Apenins qu'enrodan los tres costats de Piemont. Piemont es sempre estat una region rica d'Itàlia, breç de l'industria (Fiat, Agnelli), comparat al sud del país (Polhas, Sicile). Uèi, la major part de la populacion es activa dins los servicis.

Administracion

Las set províncias e la metropòli de Piemont.

Piemont es devesit en set províncias e una vila metropolitana (portant lo nom del capluòc) :

Província / Vila metropolitana	Superfícia (km²)	Populacion	Densitat (ab./km²)
Província d'Alexàndria (Alessandria)	3 560	438 062	123,1
Província d'Ast	1 504	219 629	146,0
Província de Bièla	913	187 090	204,9
Província de Coni (Cuneo)	6 903	584 467	84,7
Província de Novara	1 339	365 156	272,7
Ciutat Metropolitana de Turin (Torino)	6 821	2 288 614	335,5
Província del Verbano-Cusio-Ossola (capluòc Verbania)	2 255	162 618	72,1
Província de Vercèlh	2 088	179 164	85,8