Rammstein
Rammstein, prononciat [ˈʁamʃtaɪn], es un grop de metal e ròck industrial alemand, aparentat al sosgenre Neue Deutsche Härte, originari de Berlin (Alemanha). Format en 1994, se compausa dempuèi la debuta de sièis membres. Es l'un dels grops mai populars del ròck alemand en general, e del metal alemand en particular, ambe mai de 35 milions d'albums venduts.
Rammstein es tanben conegut per l'espectacle pirotecnic de sos concèrts.
Rammstein es popular dins un fum d'autres païses qu'Alemanha dempuèi lor segond album, Sehnsucht, publicat en 1997.
I a de còps agut de polemicas a prepaus d'aquel grop, d'unes raprochant son imatjariá al nazisme, d'autres l'acusant, coma son omològ american Marilyn Manson, d'incitacion a la violéncia, çò que Rammstein a totjorn negat fèrmament, en disent que s'agís puslèu d'un gost per la provocacion, mas sens fons ideologic o violent, qu'es sonque una question de fòrma.[1]
Lo nom del grop es inspirat de lo de la ciutat alemanda de Ramstein (près de Kaiserslautern), en referéncia a la catastròfa qu'i a agut pendent un espectacle aerian sus la basa militara americana de la vila en 1988, pendent lo qual 70 personas trobèron la mòrt[2]. Los sòcis del grop an escrich una cançon sul tèma e l'an entitolada Rammstein (amb doas « m »), lo títol de la cançon es alavetz estat retengut coma nom pel grop. E fin finala, aquela cançon es a la longa venguda l'una de las mai conegudas del grop.
Los sièis sòcis actuals de Rammstein son Till Lindemann au cant, Richard Zven Kruspe a la guitarra a als còrs, Paul H. Landers (guitarra e còrs tanben), Oliver Riedel (bassa), Doktor Christian « Flake » Lorenz (escapolonaire) e Christoph « Doom » Schneider (batariá).
Discografia
modificar- 1995 : Herzeleid
- 1997 : Sehnsucht
- 2001 : Mutter
- 2004 : Reise, Reise
- 2005 : Rosenrot
- 2009 : Liebe ist für alle da
- 2019 : Rammstein
- 2022 : Zeit
Cançons mai conegudas
modificar- Rammstein (1995)
- Du hast (1997)
- Sonne (2001)
- Ich Will (2001)
- Amerika (2004)
- Deutschland (2019)