Raimond Badiou
Raimond Badiou (Vaissa, 14 d’agost de 1905 - París, 27 de junh de 1996) es un matematician e òme politic occitan. Engatjat dins la resisténcia pendent la Segonda Guèrra Mondiala, foguèt conse màger de Tolosa (SFIO) de 1944 a 1958.
Biografia modificar
Raimond Badiou èra normalian (Escòla normala superiora de París) e agregat de matematicas (1927).
Pendent la Segonda Guèrra Mondiala, Raimond Badiou èra professor de matematicas al licèu dels garçons de Tolosa (que se pre pausèt mai tard de nomenar licèu Pèire de Fermat) après aver ensenhat a Rochefort-sur-Mer, Rabat e Casablanca. Intrèt en Resisténcia. Èra del Comitat Departamental de Liberacion de la Nauta Garona, organisme qu'aviá designat Raymond Naves coma conse provisòri de Tolosa a la liberacion de la vila e ont encontrèt lo filosòf Andrèu Maurin; quand Raimond Naves foguèt capturat pels Alemands, lo 24 de febrièr de 1944, Raimond Badiou lo remplacèt. La liberacion de Tolosa se faguèt lo dissabte 19 e lo dimenge 20 d'agost de 1944; lo 20 un Comitat Local de Liberacion se metèt en plaça, fasent lo ròtle de municipalitat temporària, e èra menat per Raimond Badiou. Foguèt elegit conse en 1945, e de nòu en 1947 e 1953. E 1946, foguèt elegit deputat de la Nauta Garona fins a 1951. Menèt una politica municipala prudenta, urbanizant de biais compacte la vila per evitar la multiplicacion dels malhums, creant atal los primièrs programas de lotjaments socials just al bòrd de la vila, amb lo president del conselh general Eugène Montel.
Raimond Badiou demissionèt en 1958 de la SFIO per causa de las posicions d'aquel partit sus la guèrra d'Argeria e de son adesion a de Gaulle e abandonèt totes sos mandats electorals, e tanben aquel del conse de Tolosa. Tornèt èsser professor de matematicas al licèu Pèire de Fermat e contribuiguèt, mai tard amb lo Partit Socialista Autonòm, a lançar lo PSU local.
L'un dels seus filhs, Alain Badiou, es un filosòf francés conegut internacionalament.
Dempuèi lo 10 d'octobre de 2012 le collègi del quartièr de la Reineriá a Tolosa pòrta lo nom de Raymond Badiou.
| Precedit per Albert Ginesty |
.svg){kind=small} cònsols màger de Tolosa 1944 - 1958 |
Seguit per G. Carrère (interim) puèi Loís Bazerque |
Vejatz tanben modificar
Bibliografia modificar
- (fr)Jean Estèbe. Toulouse, 1940-1944. París: Perrin, 1996. ISBN 978-2-2620-0091-2