En bioquimia, una quinasa (tanben apelada fosfotransferasa) es un tipe d'enzim que transferís de grops fosfats dempuèi l'ATP a un substrat especific. Lo procès se sona fosforilacion. Lo substrat se pòt activar o inactivar per la fosforilacion. Totas las quinasas an besonh d'un ion metallic divalent coma lo Mg2+ o lo Mn2+ per transferir lo grop fosfat. Aquestes enzims son activats per l'AMP ciclic, que catalisa la fosforilacion de cèrtas proteïnas. Las quinasas son implicadas dins los mecanismes de senhalizacion cellulara. Tres menas d'aminoacids son fosforilablas per las quinasas: la serina, la treonina e la tirosina.