Premiera batalha de Karkòv
La premiera batalha de Karkòv se debanèt dins lo corrent de la Segonda Guèrra Mondiala entre lo 20 e lo 24 d'octòbre de 1941. Opausèt doas divisions alemandas a una division sovietica cargada de defendre la vila. L'objectiu deis Alemands èra d'assegurar lei comunicacions e lo 4en Grop de Panzers e la 17en Armada. Aqueu dei Sovietics èra de tenir la ciutat quauquei jorns per permetre l'evacuacion dei maquinas de l'important pòl industriau de Karkòv. Lei dos camps capitèron de cumplir seis objectius : la vila foguèt conquistada après son enceuclament lo 23 d'octòbre mai leis industrias sovieticas foguèron evacuadas.
