Tresena batalha de Karkòv

La tresena batalha de Karkòv (ò campanha de Donets per leis Alemands e Operacion de Donbass e de Karkòv per lei Sovietics) se debanèt dins lo corrent de la Segonda Guèrra Mondiala entre lo 19 de febrier e lo 15 de març de 1943. Fa partida deis ofensivas sovieticas consecutivas a la batalha de Stalingrad e marquèt l'estabilizacion dau frònt per leis Alemands.

Fotografia de soudats alemands protegits per un veïcul blindat dins una carriera de Karkòv.

Fotografia d'un Panzer IV alemand dins la region de Karkòv.

D'efèct, après Stalingrad, l'Armada organizèt una tiera d'atacas que li permetèron d'avançar vèrs l'oèst e de reconquistar Karkòv e Belgorod. Pasmens, aquò aviá entraïnat de problemas logistics e sei linhas d'avitalhament èran fòrça estiradas. De mai, mai d'una unitat èra decimada. De son caire, maugrat son inferioritat numerica (70 000 còntra 346 000 òmes dins aqueu sector après Stalingrad), leis Alemands èran estats reorganizats e poguèron menar divèrsei còntra-ofensivas a partir dau 22 de fevrier. Capitèron ansin de reconquistar Belgorod e Karkòv, de destrurre 52 divisions sovieticas (60 000 òmes tuats, bleçats ò capturats) e de formar un salhent a l'entorn de Kursk que foguèt l'objècte de la batalha de Kursk dins lo corrent de l'estiu.

Liames intèrnes

• premiera batalha de Karkòv
• segonda batalha de Karkòv