Postulats de la fisica quantica

Los postulats de la fisica quantica que son cinc o sheis principis qui definissen lo monde microscopic de la fisica o mecanica quantica.

La fisica quantica qu'a commençat en 1925 dab las teorias navèras de Louis de Broglie, Werner Heisenberg e Erwin Schrödinger. Paul Dirac, prèmi Nobel de fisica dab Erwin Schrödinger en 1933, que publica en 1930 The principles of Quantum Mechanics. Melhorat mei d'un còp, l’edicion darrèra qu’ei ua referéncia peu monde scientific. fisica quantica (o mecanica quantica) que tradusish lo monde de l’infinidament petit. Qu’ei ua vision navèra e diferenta de la mecanica classica. Qu’ei basada sus postulats. Lo mei sovent que’n presentan cinc, mes que i pòt aver presentacions diferentas.

Los principis

1. Principi de superposicion : L’estat d’un sistèma quantica qu’ei defenit per un vector qui ei la combinason lineara, dab coeficients complèxes, d’estats de basa, dits estats pròpris.
2. Principi de correspondéncia : Las observablas (causas que pòden mesurar) que son representadas per operators matematics.
3. Principi de quantificacion : Las mesuras ne pòden pas balhar sonque résultats qui corresponen a valors pròprias deus operators matematics. Los vectors pròpris qui corresponen a aquestas valors pròprias que forman ua basa de l’espaci deus estats d’aqueth sistèma
4. Principi de decomposicion espectrau e règla de Max Born : los calculs matematics que hornishen la probabilitat d’observar un resultat de mesura.
5. Principi de reduccion deu paquet d’onda : La mesura que modifica l’estat deu sistèma quantic e hè desaparéisher las probabilitats qui ne son pas realizadas
6. Que completan sovent los cinc principis per l'equacion d'Erwin Schrödinger : L’equacion de Schrödinger que fixa l’evolucion dens lo temps deu sistèma quantic.

Referéncias

Les principes de la mécanique quantique, Paul A.M. Dirac, presses polytechniques et universitaires romandes, traduction de la 4^e édition, 2009