Dobrir lo menú principal

Portau d'Aragon modificar ]

Flag of Aragon.svg
Escudo d'Aragón.svg

Aragon qu'ei una comunautat autonòma de l'estat Espanhòu qui la soa capitala b'ei Saragossa. Qu'ei gessida de l'anciana província d'Aragon qui, amassa dab lo Comtat de Barcelona, lo Reiaume de Valéncia e lo Reiaume de Malhòrca, e pertanhèva au Reiaume d'Aragon.

Que costeja d'autas comunautats de l'estat espanhòu qui son : Castelha-La Mancha, Castelha e Leon, Catalonha, La Rioja, Navarra e la Comunautat Valenciana. Que partatja ua termièra dab Bearn e Gasconha e qu'ei donc un deus país qui bòrdan Occitània.

Aragon qu'ei dividit en tres províncias (las d'Òsca, Teròl e Saragossa), eras medishas partatjadas en 33 comarcas. Aragon qu'ei ua de las autonomias de l'estat espanhòu despuish l'an 1978. La soa diada que's hesteja lo 23 d'abriu.

Qu'ei la segonda autonomia mens poblada de l'estat espanhòu (arron Castelha-La Mancha) qui gaireben la meitat de la populacion be's concentra dens la capitala Saragossa.

Aragon e Saragossa que son traucats per l'arriu Èbre.

Lo gentilici qu'ei aragonés -esa.

Lutz sus... modificar ]

La Verge del Pilar (en aragonés Birchen d'o Pilar e en castelhan Virgen del Pilar, çò qui vòu díser Verge deu pialar ), considerada com Patrona de l'Ispanitat, qu'ei venerada dens la basilica de Zaragoza a la quau e da lo son non.

Segon un codex Moralia in Job deu Papa Gregòri I lo Gran (deu sègle XIII), aquesta verge que seré apareishuda lo 2 de gener de l'an 39 en carn mortau a l'apòstol Sent Jacme lo Màger, suber lo medish pialar suu quau b'ei enqüera quilhada uei lo dia e domandant qu'un temple e hosse bastit ací entà qu'i hore venerada dinc a la fin deu mòn.

Los cavaments que revelan la superpausicion istorica d'ua capera visigotica, d'ua glèisa romanica, d'ua auta gotica e, fin finala, de l'actuau basilica barròca. Lo tresaur d'aquesta darrèra qu'ostenda un olifan, darrèra resta deu gran vescomta bearnés Gaston IV lo Crotzat, conquestaire de Zaragoza e mort en crotzada en Espanha.

Lo 2 de gener que's celebra l'aparicion de la Verge...

Geografia e natura modificar ]

Cultura e tradicions modificar ]

Portaus connèxes modificar ]