Pontin

Lo pontin z-es un pastís de carn d'Auvèrnhe (sobretot de Chantau) mai tanben en Corresa). Dins lo nòrd de l'Avairon se ditz farçon o farçum. Se compausa de charn de saucissa, de farina e d'uòus, e es farcit de prunas sechas dispausades en una teira. Se serv chaud o tebés. Amb lo restant, quand es freid, se copa en leschas que se fregisson e se servan chaudas, tipicament amb laituja o un mesclum o encara ensalada vèrda.

Pontin

Chau

• 500 g de charn de saucissa
• 250 g de farina
• 6 uòus
• 1 veire de lach
• 1 ceba
• de bledas o de jolverd
• 10 prunas d'Agen
• de sal, de pebre

Recèpta

• Chaplar lo legumatge e la ceba.
• Mesclar la charn de saucissa, la farina, lo lach, lo legumatge e la ceba.
• Ajustar de sal e de pebre.
• Botar la meitat dins un mòtle de cake.
• Ajustar las prunas e botar l'autra meitat.
• 75 min dins lo forn a 180 °C.

Autra recèpta del farçum

Prenetz una pèu de moton (es de peitrina de moton). Dobritz-la ambe lo ponh per formar una saca, corduratz-ne doas vòras, bòrd contra bòrd. Chaplatz menut totes los flòcs que penjan de la pèl, amb de ventresca (carnsalada facha amb de peitrina de pòrc), 1 culhièirada de ris que cal faire trempar a l’avança, 1 o 2 uòus e las èrbas : espinarcs o ensalada, o encara melhor d’èrbas de campanha (de roèlas jovas, de caurilhs, de renebres e lengas de buòus, d'aqueste darrièr pas tròp qu’es fòrt e pas tròp bon per los lombs, de bochimbarbas, d’escorcenaris, d’engraissamotons, de santjoseps, de pissa-a-lièches.… mas pas o pauc de blèdas o d’òrta que fa espetar la pèl). Las èrbas, un còp lavadas, las cau metre dins l’aiga que bolhís e quand a pres lo bolh, tiratz-la deel topin e mesclatz-las a çò resta. Un còp tot claplat e plan mesclat, es lo farçum. Ficatz-o tot dins la pèl e corduratz. Fagatz bolhir dins l’aiga bolhenta doas o tres oras plan planet. Se manja caud o freg en tot copar de lescadas. Las lescas, un còp frescas se pòdon tanben rostir a la padena amb un pauc d’òli.