Plen emplec

Lo plen emplec es una situacion d'una zona donada que lo caumatge se redusís al caumatge friccional (o caumatge de transicion o caumatge incompressible: es lo caumatge de pauca durada existissent entre l'arrèst d'un emplec e lo començament d'un autre). Existís alara pas cap de dificultat particulara a trobar un emplec. Aquela situacion correspond segon qualques autors a un taus de caumatge inferior a 5 % al sens du BIT, per d'autres lo plen emplec existís sonque quand lo taus de caumatge global es marginal: mens d'1 %.

Lo plen emplec pòt tocar l'economia entiera, o ben un mercat del trabalh especific (per exemple, lo mercat dels artesans qualificats), quand lo passatge d’un mercat del trabalh cap a l'autre es malaisit.

La Carta de las Nacions Unidas acertís lo "plen emplec" dins son Article 55 en Capítol IX.

Istoric e situacions de plen emplec

La Granda Depression foguèt marcada per de situacions a vegadas dramaticas de caumatge e de pauvretat.

Se considera sovent que los païses desvelopats èran en situacion de plen emplec pendent las Trenta Gloriosas. Lo caumatge, lèu, aumentèt fòrça, subretot en Euròpa mas tanben als EUA. La situacion en 2013 del caumatge en Euròpa , e als EUA fa pareisser qu'un retorn al plen emplec seriá pas possible a envisatjar dins una perspectiva de cort tèrme dins los contèxtes politics actuals.

Los teoricians del plen emplec

Lo tèrme de plen emplec apareguèt pel primièr còp en 1913, l'empleguèt Arthur Cecil Pigou.

Sens èsser lo teorician del plen emplec, Keynes foguèt lo primièr a definir clarament le concèpte, a partir de 1936.

Politica economica pel plen emplec

Lo plen emplec es un objectiu avançat per totes los govèrns, mas los metòdes per i capitar diferisson radicalament, atal que la plaça d'aquel objectiu dins l'òrdre de las prioritats (al respècte de la luta contre l'inflacion, la creissença economica, la reduccion de las inegalitats de revengut, eca.).

D'economistas liberals meton a vegada en dobte la possilibitat de realizar la reforma de l'Estat providéncia que jutjan necessari.

Debat sul plen emplec

Los debats sus la possibilitat de capitar lo plen emplec existèron de totjorn pendent los periòdes ont èra pas atench. De politics se son resignats a abandonar los objectius de plen emplec, alara que d'autres lo considèran coma una causida politica. Atal d'unes se demandon se lo plen emplec es pas une idèa passada alara que d'autres cercan de nòus mejans d'o aténher o de se n'aprochar.

Será impossible lo plen emplec?

De pensaires marxistas penson que lo plen emplec es ara impossible.

• L'industrializacion transformèt los païsans en obrièrs, puèi la terciarizacion en emplegats.
• L'automatizacion despossedèt d'un constat de l'initiativa del trabalh (pasmens tot en creant de nòus mestièrs, mai qualificats mas mens nombroses, repausant sul saber (Economia de la coneissença).
• Alara que qualques païses d'Euròpa, après un periòde de melhoracion e de progrés, las Trenta Gloriosas de 1945 a 1975, de causas diversas atribuidas a l'informatizacion engendrèt una societat que torna cap al sosemplec.
• Lo sègle XXI se dubiguèt amb la robotizacion que sonque pòt suprimir d'emplecs mens qualificats tot en en creant de novèls per realizat aquela robotizacion e sa mantenéncia.

Aqueles que penson que la balança clina en favor d'un sosemplec cronic vòlon tornar pensar lo modèl de foncionament de las societats umanas que fin alara repausavan sus la nocion de plen emplec. La solucion passariá per un aument de la productivitat e una bassa del temps de trabalh, per aumentar lo temps liure que permetriá de far créisser la consomacion, la creacion e lo ligam social. D'autres prepausan en parallèl la mesa en plaça d'un revengut universal percebut par totes, podent èsser completat per aqueles qu'o causissarián per un trabalh remunerat (salariat o independent).

Per l'economista Bernard Friot, especialista dels sistèmas de proteccion sociala, jamai foguèt tan pròches del plen emplec.

Plen emplec e progrés tecnic

L'idèa d'un progrés tecnic destructor d'emplecs existiguèt de totjorn, e a vegada provoquèt de resisténcias. Se aquel progrés provòca de vertat l'inutilitat de qualques mestiers o lo fòrt aument de lor productivitat, permet de crear d'oportunitats de creacion de nòus bens e servicis. La mondializacion e las delocalizacions serián que de causas minoras del sosemplec, l'ensems del mond essent confrontada als mèsmes problèma e oportunitats.

Vejatz tanben

Articles connèxes

• Caumatge | Emplec
• Organizacion Internacionala del Trabalh
• Reduccion del temps de trabalh

Ligmms extèrnes

• (fr)L'Organisation Internationale du Travail et la promotion du plein emploi, productif et librement choisi, Organizacion Internacionala del Trabalh (OIT) (1999)
• (fr)rapport de Jean Pisani-Ferry sur le plein emploi (2000), Conselh d'analisi economic
• (fr)« Un emploi pour tous ? », Gilles Raveaud, Alternatives Economiques n° 285, novembre 2009