Giganta gasosa
(Redirigit dempuèi Planeta giganta)
Una planeta giganta gasosa (tanben dicha planeta joviana ò giganta joviana) es un tipe de planeta giganta principalament formada d'idrogèn e d'èli. Leis elements pesucs i representarián solament 3 a 13% de la massa totala e seriá probable concentrats dins un nuclèu rocassós ò metallic. Segon la temperatura de superficia, se destrian quatre tipes de gigantas gasosas que son dichs Jupitèr fòrça cauds, Jupitèr cauds, Jupitèr temperats e Jupitèr fregs.
![](http://upload.wikimedia.org/wikipedia/commons/thumb/2/2b/Jupiter_and_its_shrunken_Great_Red_Spot.jpg/220px-Jupiter_and_its_shrunken_Great_Red_Spot.jpg)
Lo Sistèma Solar contèn doas gigantas gasosas que son Jupitèr e Saturne. Pasmens, ambé la descubèrta d'exoplanetas dins d'autrei sistèmas estellars, lo nombre de planetas jovianas conegudas a passat lo milier.