Placa Farallon
La placa Farallon es una anciana placa tectonica de la litosfèra de la planeta Tèrra. Los sols rèstes d'aquela placa son las placas Gorda, Rivera, de Nazca, de las Cocos, Juan de Fuca e Explorer. Lo nom ven de las illas Farallon qu'es al larg de la baia de San Francisco.
Dinamica
modificar
La placa Farallon èra situada dins de çò que anava venir l'ocean Pacific. Las seunas frontièras amb las autras placas èran constituidas a l'oèst, al nòrd e a l'èst per de fòssas de subduccion e de falhas transformantas e al sud e al sud èst per de dorsalas e de falhas transformantas. Se desplaçava cap al nòrd èst a una velocitat de cinc centimètres par an gaireben. Èra bordada al sud oèst per la placa Izanagi, a l'oèst per la placa eurasiatica, al nòrd e al nòrd èst per la placa nordamericana e al sud èst per la placa sudamericana.
La placa Farallon comencèt a desapréisser per subduccion jos la còsta oèst del continent american pendnet lo Jurassic. Fa 90 o 80 milions d'ans, una nòva dorsala oceanica orientada èst oèst, la dorsala de Kula, trenquèt la placa Farallon de sa partida nòrd: la placa de Kula. Una partida de la placa Farallon es encara detectabla dins lo mantèl, jos la còsta Èst nordamericana.
Auriá portat pas cap de partida continentala e èra donc majoritariament formada de litosfèra oceanica.
-
Mapa de la situacion tectonica fa gaireben 70 milions d'ans amb la placa de Kula al nòrd oèst, la placa Farallon al sud èst e la placa pacifica al sud. -
Mapa de la situacion tectonica fa 55 milions d'ans amb las placas de Kula e Farallon al final de la subduccion e la placa pacifica que la superfícia aumenta.
