Fòssa oceanica
Una fòssa oceanica es una depression sosmarina prefonda, mai ò mens lònga e estrecha, presenta dins lei zònas de subduccion. Caracteristicas dei marges actius, son congreadas per una collision entre doas placas tectonicas que mèna a l'enfonsament d'una placa dins lei jaç superiors dau mantèu terrèstre. Lei fòssas oceanicas agantan generalament de prefondors importantas, sovent superioras a 5 000 m. La pus prefonda, la Fòssa dei Marianas, es l'endrech pus prefond de la planeta amb 11 034 m.
