Pissacan

Pissacan es un nom vernacular donat a plusors espècias de bolets en Provença e en Lengadòc, principalament lei mossairons (Calocybe gambosa, Marasmius oreades...) e un ensemble de bolets dau genre Suillus (Suillus collinitus, Suillus granulatus, Suillus mediterraneensis, Suillus bellinii...). Pus rarament, lo nom pòu designar lo pissaliech.

Lei mossairons son de bolets comestibles recercats, en particular Calocybe gambosa qu'es sovent considerat coma lo mossairon « vertadier ». Lei Suillus foguèron lòngtemps recoltats e venduts. Pasmens, lor consumacion declinèt après la Segonda Guèrra Mondiala. Uei, son vists coma de comestibles mediòcres eventualament utilizables dins de padenadas de bolets ò per melhorar la saussa acompanhant una carn. Fòrça micològs desconselhan lor consumacion car captan aisament la pollucion dau sòu, çò que pòu lei rendre leugierament toxics. Lor preparacion es tanben complèxa car fau unicament consumar certanei partidas deis individús joves.

• 
  Calocybe gambosa
• 
  Marasmius oreades
• 
  Suillus collinitus
• 
  Suillus granulatus
• 
  Suillus mediterraneensis
• 
  Suillus bellinii

Liames intèrnes

• Mossairon.
• Mycota.