Pirinola
La pirinola qu'ei un jòc de societat qui's jòga dab un cibòt emplegat a mena de dat ; en efèit, lo cibòt de la pirinola qu'ei provesit de 6 caras e après aver virat que's pausa en bèth muishar la cara de dessús qui da atau ua consigna :
- Botar 1 (pon 1)
- Botar 2 (pon 2)
- Préner 1 (toma 1)
- Préner 2 (toma 2)
- Tots que botan (todos ponen)
- Préner tot (lo cabau - toma todo)
Lo jòc que's practica dab ua resèrva de monedas (o d'autes elements com pèiras o granas per exemple). A la debuta deu jòc los jogadors que prénen tots ua medisha quantitat de monedas e la rèsta que forma un cabau. Cadun que hè virar la pirinola e lo pretzhèit qu'ei d'amassar tot lo cabau o de remportar lo maximum de monedas a la fin d'un cèrt nombre de torns predeterminat.
La pirinola qu'ei mei que mei jogada en America Latina e en Argentina en particular. Qu'ei pròche deu dreidel ashkenaz associat dab la hèsta judiva de Hanoka (dab la varianta que lo cibòt deu dreidel n'a pas sonque 4 caras dab letras ebraïcas).
