Philippe Lavil
Philippe Durand de la Villejegu del Fresnay, dich Philippe Lavil, es un cantaire francés nascut lo 26 de setembre de 1947 a Fort-de-France en Martinica.
La familha de Philippe Lavil, los Durand de la Villejégu del Fresnay, es una familha d'anciana borgesiá originària de Bretanha, establida en Martinica al sègle XVIII.
En 1960, Philippe Lavil es enviat en Occitània en pension dins Droma ont fa sos estudis a Dieulefit. Es iniciat a la cançon per son professor d'anglés Graeme Allwright. Se crompa alavetz una guitarra e decidís de venir cantaire.
En 1970, enregistra una cançon que va èsser un tube e una de sas mai grandas capitadas : Avec les filles je ne sais pas.
En 1982, enregistra una cançon escricha per Didier Barbelivien, Il tape sur des bambous, que ven lo tube de l'estiu e son mai grand succès comercial, ambe mai d'un milion e mièg d'exemplars venduts del 45 torns.
En 1985, enregistra una cançon tornarmai signada Didier Barbelivien, qu'encontra tanben una plan gròssa capitada : Elle préfère l'amour en mer.
En 1987, obten encara un autre gròs tube ambe Kolé séré, títol cantat en duò amb la cantaira del grop Kassav, Jocelyne Béroard.
Cançons mai conegudas
modificar- Avec les filles je ne sais pas (1970)
- Hey mister Lee (1977)
- Il tape sur des bambous (1982)
- Rio (1982)
- San Miguel (1983)
- Jamaïcaine (1984)
- Elle préfère l'amour en mer (1985)
- Le temps des joues contre joue (1985)
- La femme qui dit jamais je t'aime (1986)
- Elle tricote des pulls pour personne (1986)
- Kolé séré (1987, ambe Jocelyne Béroard)
- Tanguer latino (1988)
- La chica de Cuba (1989)
- Savanna kumba (1990)
- Si Marianne était black (1990)
- De Bretagne ou d'ailleurs (1991)