Dobrir lo menú principal

Phetsarath Rattanavongsa (19 de genier de 1890 - 14 d'octòbre de 1959) èra un prince e un òme politic laossian. Fondèt lo Lao Issara, premier partit politic nacionalista e independentista de Laos.

Foncionari superior de l'administracion coloniala, èra responsable deis afaires indigèns en 1923 e venguèt rapidament popular au sen de la populacion. Se preocupèt de la modernizacion de l'administracion e de la justicía. Assaièt tanben de demenir lo nombre de foncionaris vietnamians en Laos au profiech de foncionaris laos, de limitar l'immigracion dei Vietnamians dins lo país e de mantenir una identitat lao especifica au sen de l'Indochina Francesa.

En 1941, dins lo corrent de la Segonda Guèrra Mondiala, s'opausèt pas a l'ocupacion japonesa d'Indochina e aprofichèt la situacion per preparar l'independéncia que foguèt finalament proclamada en 1945 sota la pression de Tòquio. Tornèt afirmar l'independéncia dau país après la capitulacion japonesa e foguèt nomat Premier Ministre per un conseu gropant lei caps dei principalei tendàncias independentistas, especialament sei fraires Souphanouvong e Souvanna Phouma. Pasmens, poguèt pas empachar lo retorn dei Francés en març-abriu de 1946 e deguèt s'exilar en Tailàndia. Rintrèt en Laos en 1957 onte moriguèt en 1959 en causa d'una emorragia cerebrala.

Liames intèrnesModificar

BibliografiaModificar

Nòtas e referénciasModificar