Peter et Sloane

Peter et Sloane foguèt un duò musical francés efemèr de musica pop, constituït del cantaire occitan francofòn (d'origina còrsa) Jean-Pierre Savelli dich "Peter" (nascut en Provença, a Tolon en 1949), e de la cantaira francesa Chantal Richard dicha "Sloane" (nascuda a Orleans en 1957), actiu entre 1984 e 1987.

Son sustot coneguts pel tube Besoin de rien, envie de toi, enòrma capitada populara en França en 1984, n°1 de las vendas de disques. E mai se son quasi totjorn associat exclusivament a n'aquel tube, en realitat, una autra cançon de lor repertòri, C'est la vie d'château, a agut ela tanben un pauc de resson en 1985.

Sloane, l'escais de Chantal Richard, es la contraccion de Slow pour Anne, lo títol d'una cançon francesa. A un moment dat, Sloane foguèt cantaira dins la Bande à Basile.

Abans son succès popular ambe aqueste duò en 1984, Jean-Pierre Savelli foguèt tanben l'interprèt de las cançons dels generics dels dessenhs animats televisats populars dels mainatges en França entre 1979 e 1983 (Goldorak, Albator etc).