MGM-31 Pershing

Lo MGM-31 Pershing es un missil balistic nuclear sòu-sòu de portada intermediària estatsunidenc. Concebut a partir de 1956, intrèt en servici en 1964. Doas versions principalas foguèron desvolopadas e destriadas per leis apelacions Pershing-1 e Pershing-2. La segonda èra un melhorament de la premiera qu'èra venguda necessària dins leis ans 1970. Aqueu missil es subretot conegut per son ròtle dins la crisi deis euromissils. Ansin, totei leis exemplaris produchs foguèron destruchs ò desarmats entre 1988 e 1989 après la signatura dau tractat sus lei fòrças nuclearas de portada intermediària. Tecnicament, lei Pershing èran de missils portaires d'una carga nucleara de 50 kt. Avián una portada de 1 800 km e una precision de 50 m.

Tir d'entraïnament d'un missil Pershing-1 en 1966.

Liames intèrnes

• Arma nucleara.
• Crisi deis euromissils.