Paulet de Marselha
Paulet de Marselha (Paulet de Marsiho en nòrma mistralenca[1]; Marselha, sègle XIII) foguèt un trobador occitan de Provença. Son estadas conservadas fins uèi sonque tres de sas uèch composicions. Totas tres son dedicadas a Barral del Bauç, vescomte de Marselha. Paulet, que s'èra opausat a la dominacion dels Anjó en Provença, se vegèt privat de sos dreches territorials e foguèt fòrabandit de son país. Venguèt aital un faidit refugiat en Catalonha primièr que visquèt a la cort del sobeiran catalan Pèire II lo Gran (d'abril a mai de 1262) abans de partir per Castelha ont demorèt dins la cort del rei castelhan Anfós X. Se sap que cap al mes d'octobre de 1267 èra tornat en Catalonha a la cort del rei d'Aragon.
Wikidata: Q3898197
