Comtat de Niça

(Redirigit dempuèi País Niçard)

La ò lo Comtat de Niça (en occitan italianizat: la Contèa de Niça), que si sòna finda lo País Niçard, es una region istorica d'Occitània, a l'èst, a l'entorn de la vila de Niça e que s'espandisse tra la mar Mediterranèa (Còsta d'Azur), lo riu de Var e la cresta de l'extrèm sud dei Alps. La sieu capitala es la vila de Niça e lo gentilici es niçard -a.

Infotaula d'entitat administrativaComtat de Niça
lang=oc
Modifica el valor a Wikidata
Entitatcomtat Modifica el valor a Wikidata
Administracion
CapitalaNiça
Geografia
Modifica el valor a Wikidata
Carte
Coordenadas43° 42′ N, 7° 16′ E
Superfícia4 000 km² Modifica el valor a Wikidata
Demografia
 • Totala250 Modifica el valor a Wikidata ab. (1751 Modifica el valor a Wikidata)
 • Densitat0,06 ab./km²
Istòria
AnteriorAlps Maritimi Modifica el valor a Wikidata
PosteriorAlps Maritimi Modifica el valor a Wikidata

A l'origina èra una part dau comtat de Provença; en lo 1388 foguèt integrat au ducat de Savòia (que devenguèt lo Reiaume de Piemont-Sardenha en lo 1720).

Geografia

modificar

Lo territòri de la Comtat de Niça correspònde mai ò mens a l'actual arredoniment de Niça en lo departament dei Alps Maritims. La màger part de la Comtat es montanhoa e la part mediterranèa s'espandisse sus un trentenau de quilomètres.

La vila de Niça es totjorn estada la vila principala de la Comtat.

Demografia

modificar

La populacion de la Comtat actuala viu essencialament a Niça e en riba de mar. En lo rèirepaís, li comunas de Còntes, Toreta-Levenç, Levenç, Sospèr, L'Escarea, e Brelh forman li ciutats mai importanti.

Vequí li 5 comunas mai pobladi de la Comtat:

Classament Comuna Populacion totala (2021)
1 Niça 348 085
2 Bèusoleu 12 674
3 La Ternitat 10 276
4 Còntes 7 544
5 Sant Andrieu 5 782


Istòria

modificar
 
Mapa d'Itàlia en lo 1843

A l'inici èra una part de l'ancian comtat de Provença, pi a partir dau 1388, foguèt una partida dau ducat de Savòia (que venguèt lo reiaume de Sardenha en lo 1720). Pilhèt lo nom de Comtat de Niça a una data indeterminada après la dedicion a Savòia. Foguèt pi annexat a l'estat francés en lo 1860.

Despí aquò, forma l'arredoniment de Niça qu'es la màger part dau departament dei Alps Maritims, totun si garda lo nom de Comtat de Niça per designar aquela region culturala e istorica que la sieu personalitat es tot plen fòrta.

Istoricament, lo Principat de Mónegue es enclavat dins lo Comtat de Niça mas non ne'n fa partida. La vila de Menton, embau País Mentonasc, faïan partida dau Principat de Mónegue (fins en lo 1861, quora foguèron restacats a l'estat francés).

Bandiera e blason

modificar
 
Blason de la Contèa

Lo drapèu de la Comtat correspònde ai armas descrichi ensinda en francés : « D'argent à l'aigle couronnée de gueules au vol abaissé, empiétant une montagne de trois coupeaux de sable issant d'une mer d'azur mouvant de la pointe et ondée d'argent ».

En la sieu Notice historique sur les blasons des anciennes provinces de France (1941), Jacques Meurgey, en soslinhant que la Comtat non a jamai possedit d'armas especifiqui, atribuïa aqueli de la Vila de Niça a tot lo país.

L'apondeson de la mar es pus recenta.

Bibliografia

modificar

BARELLI Herve [Hervé], ROCCA Rogier [Roger] (1995) Histoire de l'identité niçoise, Niça: Serre.

Nòtas e referéncias

modificar


Ligams extèrnes

modificar
  •  Danças e musicas tradicionali de la Comtat de Niça e dau «Miegjorn» (en fr, en, oc).