Pòrge de la Glòria
Lo Pòrge de la Glòria es un pòrge d'arquitectura romanica situat a l'intrada de la nau de la Catedrala de Sant Jaume de Compostèla darrier la façada barròca. Iniciativa dau rèi Ferrand II de León (vèrs 1137-1188), es l'òbra de Mèstre Mateo que comencèt sa bastida en 1168 e l'acabèt en 1188.
Fa partida d'un ensems pus important format de tres partidas que son una cròta que representa lo mond sosterranh, lo pòrge eu meme que representa la Jerusalèm celèsta e lo Jutjament Darrier e de rosassas que permeton de l'esclairar tota la jornada e que representan l'elevacion de l'arma. A l'origina, lo pòrge èra pintat de blanc, de negre, de vermelh, de blau e d'aur[1]. Pasmens, aquela policromia dispareguèt pauc a pauc maugrat de trabalhs de restauracion realizats dins lo corrent dei sègles XV e XVI. Lei darrierei traças foguèron probablament escafadas durant lei trabalhs menats en 1866 per l'Italian Domenico Brucciani[2].
Liames intèrnes modificar
Bibliografia modificar
- (es) López, Ferrero. El Pórtico de la Gloria, 1893.
- (fr) Gaillard, Georges. « Le Porche de la Gloire à Saint-Jacques de Compostelle et ses origines espagnoles », Cahiers de civilisation médiévale. 4, 1958.
- (gl) Vázquez Varela, J.M.; Yzquierdo Perrín, R.; García Iglesias, J.M.; Castro, Antón. 100 obras mestras da arte galega. Nigra Arte, 1996.