Oxid de fèrre

Los oxids de fèrre son de compausats derivat de l'oxidacion del fèrre. I a setze oxids de fèrre coneguts. Aqueles (ematita, magnetita, maghemita, ?-Fe2O3, ?-Fe2O3, Wüstite), o idroxids e oxiidroxids (goetita, lepidocrocita, akaganeita, feroxihita, ?-FeOOH, FeOOH de nauta pression, ferriidrita, bernalita, oxids verds de Fe (OH)₂). Qualques uns d'aqueles oxids son utilizats en ceramica. Los oxids de fèrre, coma los oxids d'autres metals, balhan la color d'unes veires aprèp d'èsser calfats a nauta temperatura. Son tanben utilizats coma pigments.

Oxids de fèrre

Oxid de fèrre (II) o oxid ferrós (FeO). La polvèra d'oxid ferrós pòt causar d'explosions perque dintran vertadièrament en combustion.
Oxid de fèrre (III) o oxid ferric (Fe2O₃). Dins lo seu estat natural es conegut coma ematita. Tanben es purificat pel seu usatge coma supòrt d'estocatge magnetic en audio e informatica.
Oxid de fèrre (II, III) o ixid ferrós ferric (Fe₃O₄). Dins lo seu estat natural es conegut coma magnetita, un mineral de color negrenc que constituís una de las fonts principalas d'obtencion de fèrre. Aquela forma d'oxid tend a se formar quand lo fèrre s'oxida jos l'aiga.

Idroxid de fèrre (II) Fe (OH)₂. Es de color verdenc.
Idroxid de fèrre (III) Fe (OH)₃. Es de color marron escur.
Oxiidroxid de fèrre (III) FeO(OH). Dins lo seu estat natural es conegut coma goetita. Es de color roge marronenc. Tanben se trapa dins los seguents minerals: siderogel, limonita e feroxiita, e mai existís una varianta coneguda coma lepidocrocita.

Suls autres projèctes Wikimèdia :