Ouranopithecus
fragment de cran
d'Ouranopithecus macedoniensis
| Règne | Animalia |
|---|---|
| Embrancament | Chordata |
| Classa | Mammalia |
| Òrdre | Primates |
| Superfamilha | Hominoidea |
| Familha | Hominidae |
| Sosfamilha | Homininae |
Ouranopithecus
Bonis & Melentis, 1977
Espècias de reng inferior
- atudat Ouranopithecus macedoniensis Bonis & Melentis, 1977
- atudat Ouranopithecus turkae Güleç, Sevim, Pehlevan, Kaya, 2007
Oranopitèc (Ouranopithecus) es un genre escantit d’ominid, descrich en 1977, que demorèt dins los Balcans e en Anatolia pendent la fin del Miocèn, ara fa entre 7 e 10 milions d’annadas.
Espècias modificar
Lo genre oranopitèc es representat per doas espècias fossilas :
· Ouranopithecus macedoniensis, descrich en 1977, que demorèt en Grècia septentrionala e tanben en Bulgaria, ara fa entre 9,6 e 8,7 millions d'annadas [1];
· Ouranopithecus turkae, descrich en 2007, e que demorèt en Turquia, ara fa entre 8,7 e fins a 7,4 millions d'annadas[2].
Morfologia modificar
L'espècia Ouranopithecus macedoniensis foguèt segon los darrièrs estudis una espècia granda. La sieuna fàcia massissa èra longa e dominada per un arc superciliar prominent. Aviá tanben d’orbitas cairadas. Oranopitèc aviá, coma los umans, los chimpanzés e los gorillas, la particularitat d’aver un òs frontal. L’esmalt de las sieunas dents èra plan mai massís que lo d’autres monards, mas encara inferior al dels parantròps [3]. Las cuspidas èran bassas. Las dents soslinhavan un cèrt dimorfisme sexual. Lo mascle aviá de caninas grandas amb de premolara bassas e talhantas.
Noiridura modificar
La superfícia plan gausida de la segonda molara d’Ouranopithecus macedoniensis fa pensar que la sieuna noiridura basica foguèt, benlèu, dura, coma de noses o de tuberculs[4].
Filogenia modificar
L’anatomia dentària e faciala d’Oranopitèc entraïna una espècia pròcha dels ancessors dels umans. D’estudis recents situan aquesta espècia dins la sosfamilha dels ominids, qu’inclutz los gorillas, los bonobos, los chimpanzés e tanben los umans[5].
Oranopitèc es tanben considerat coma un genre pròche de Grecopitèc, amb que es sovent confondut.
Referéncias modificar
- ↑ L. de Bonis et G.D. Koufos, « Ouranopithecus et la date de séparation des hominoïdes modernes », Comptes Rendus Palevol, Volum 3, Num.4, Julhèt 2004, pp. 257-264 [archive]
- ↑ (en) Güleç, Sevim, Pehlevan et Kaya, « », Anthropological Science, vol. 115, no 2, 2007, p. 153–158 (DOI 10.1537/ase.070501)
- ↑ (en) T.M. Smith, L.B. Martin, D.J. Reid, L. de Bonis, G.D. Koufos, « An examination of dental development in Graecopithecus freybergi (= Ouranopithecus
- ↑ Imatge de las dents http://comp.uark.edu/~pungar/images.htm [archive]
- ↑ (en) Michael P. Muehlenbein, Basics in human Evolution, Elsevier, 2015 legir en linha [archive]