Orquèstra Nacionala del Capitòli de Tolosa
L’orquèstra nacionala del Capitòli de Tolosa es l'orquèstra sinfonica de la vila de Tolosa. Lo sèt es al Mercat de Blat onte assegura la sason sinfonica. Tanben acompanha lo teatre del Capitòli dins las representacions liricas e coregraficas (Balet del Capitòli) e realiza fòrça tornadas en França e a l'exterior. Se desvolopèt subretot mercé a son cao d'orquèstra Michel Plasson.
Istoric
modificarL'Orquestra nacional del Capitòli de Tolosa foguèt creat al començament del sègle XIX per las sasons d’opèras del Teatre del Capitòli. Se comfirmèt coma Orquèstra Sinfonica aprèp 1945.
L'apòrt de Michel Plasson
modificarArribat en 1968, Michel Plasson descobriguèt en 1974 lo Mercat de Blat, un bastiment exagonal, mercat cobèrt de blat del sègle XIX utilizat dempuèi 25 ans coma palais de los espòrts. Aquí faguèt jogar l'orquèstra per l'integralitat de las sinfonias e dels concertos de Ludwig van Beethoven e la sala venguèt demorànça principala.
Michel Plasson alara conduguèt en tornada fòrça de França, enregistrèt amb el gaireben toda sa discografiá e faguèt encontrar los artistas fomosos de la musica classica: Barbara Hendricks, Régine Crespin, Roberto Alagna, Teresa Berganza, José Carreras, Jessye Norman...
Quand partiguèt en agost de 2003, Michel Plasson daissèt un orquèstra de fòrça naut nivèl e receptèt lo títol de nacional autrejat pel Ministre de la Cultura en 1980. En 2004, Michel Plasson foguèt nomenat cap d'orquestra onorari.
La succession de Tugan Sokhiev
modificarNomat per la vila de Tolosa, es lo jove cap d'orquèstra Tugan Sokhiev que dirigís l'orquèstra al despart de Michel Plasson. Dempuèi setembre de 2005 lo primièr cap invitat e conselhièr musical de l'orquèstra. Assegura lo pòste de director musical dempuèi setembre de 2008.
Jove public
modificarL'orquèstre, amb Michel Plasson, se lancèt dins de programas destinats al jove public. E doncas, presenta cada an, acompanhant los abituals concerts de setmana pels adults, de concerts cada dimenge matin, al programa pus accessible (Pèire e lo lop, Piccolo, Saxo e Companhiá, Lo Carnaval dels animals...) e sovent presentat e explicat per un comentador. Fa un partenariat educatiu amb lo Rectorat de l'Acadèmia de Tolosa mejans l'associacion Classisco.
L'association AÏDA
modificarDepuèi 1988, l'orquestra es sostengut per l'AÏDA, l'Associacion dels Industrials e entrepresas Amics de l'orquèstra, que «reünís las entreprisas, industriás, societats comercialas e de servicis, de totas las talhas de Tolosa e de la Region Miègjorn-Pirenèus, decididas a sostenir las accions menadas per l'Orquèstra». I participan Airbus, lo Conselh regional de Mègjorn-Pirenèus o lo jornal La Dépêche du Midi. Son ajuda s'organiza en quatre grands axes d'accion :
• participar a la renomada nacionala e internacionala de l'orquèstra,
• contribuir a la produccion discografica,
• ajudar los joves musicians, caps d'orquèstras e compositors (dempuèi 1994, organizacion d'estagis dins de l'orquèstra e creacion de la borsa "Jeunes Musiciens"),
• investir dins la compra d'instruments de musica.
Ligams extèrnes
modificar- (fr) Site oficial
- (fr) Los musicians
- (fr) Site de l'associacion AÏDA
