Org&com
org&com es una associacion occitana de Tolosa.
Sa tòca es la produccion, lo management, e l'organizacion de la vida artistica e difusion d'espectacles. Lo projècte Mesclum es ara la principala accion d'org&com.
A l'entorn d'un nuclèu de qualques artistas ja celèbres, l'associacion a acampat mantun musician de la generacion pojanta, dotats e prometeires, totes eissits d'univèrses culturals fòrt diferents: cançon occitana, "musica tradicionala" d'aicí, "musicas etnicas" d'endacòm mai, "musicas actualas", jazz, varietats, contes o poesia...
Aquestes artistas persistisson dins una demarcha d'alteritat e de pluralitat de las culturas. Crean e innòvan sul camin long de la recèrca d'umanitat, sul camins de travèrsa per s'inscriure melhor dins la modernitat. Noirits de tradicions e conscients de la multiplicitat dels patrimònis, se trufan de las frontièras entre los genres e entre las gents; multiplican los rencontres fòra de tot budgetatge, per se mesclar e s'enriquir.