Olivièr de Tèrme
(Redirigit dempuèi Olivièr de Tèrmes)
Olivièr de Tèrme, nascut vèrs 1200 a Tèrme, Lengadòc e mòrt lo 12 d'agost de 1274 a Sant Joan d'Acre, Reialme de Jerusalèm (actuala Israèl), foguèt un dels pus famoses cavalièrs occitans del sègle XIII, entre los pus actius dels opausants a la crosada dels Albigeses e un aparaire dels catars. Venguèt puèi un fidèl del rei de França Loís IX e de la Glèisa Catolica en Lengadòc e en Tèrra Santa ont moriguèt a la tèsta de las armadas crosadas.
| Biografia | |
|---|---|
| Naissença | 1200  |
| Mòrt | 12 Agost de 1274 (73/74 ans) Sant Joan d'Acre |
| Senescal del reialme de Jerusalèm | |
| 1270 – ← Robert de Crésèque (fr)  – Joan I de Gralhí → | |
| Senescal del reialme de Jerusalèm | |
| abril 1269 – octobre 1269 ← Jaufré de Sergina – Robert de Crésèque (fr) → | |
| Donadas personalas | |
| Paire | Ramon de Tèrme |
Olivièr aquistèt una larga fama alprèp dels sieus contemporanèus e venguèt un familiar de mantun reis e papas mercé a son energia, sa valentiá e sa mestresa de l'art dels sètges e de la guerilla que ne'n faguèt la pròva dins son mestièr de cavalièr fins a sa mòrt.
