Olesya Zhukovskaya

Olesya Zhukovskaya (en ucraïnian: Олеся Жуковская; 1993) es una jove infirmièra ucraïniana. Venguèt simbòl e icòna de las manifestacions EuroMaidan e de la repression e autoritarisme del govèrn pro-rus de Víktor Ianokòvych, lo 20 de febrièr de 2013 quand foguèt nafrada pels snipers de la polícia ucraïniana, la Berkut. Mandèt alara un messatge per Twitter que disiá "Morissi" (en ucraïnian: Я вмираю). Aquel meteis jorn lo messatge circulèt rapidament e venguèt viral.

D'unes anoncièron inicialament qu'èra mòrta mas en realitat èra estada espitalizada. L'estat de santat de la joventa demorèt precari qu'èra estada nafrada al còl e aprèp d'èsser estada operada foguèt mesa jos assisténcia respiratòria. L'endeman, aprèp miègjorn publiquèt un autre messatge per anonciar qu'èra viva (en ucraïnian: Я жива!) e per mercejar totas las gents que li avián balhat supòrt e ajuda. La Crotz Ronja ongresa mandèt una fotografia facha amb 200 volontaris en se situar de tal biais d'escriure son nom.

Olesya es una de las nombrosas victimas de la repression sanguinosa que faguèt mai de 75 mòrts sus la plaça Maidan, lo còr de la capitala ucraïniana, Kyiv.