The Offspring, o simplament Offspring (Progenitura), es un grop de punk ròck anglofòn american, originari de Califòrnia. Format en 1984, lo grop es actualament compausat de Bryan « Dexter » Holland al cant e a la guitarra ritmica, de Todd Morse a la bassa (qu'a remplaçat Gregory Kriesel en 2018) e de Kevin « Noodles » Wasserman a la guitarra sòlo.

Offspring sus l'empont en 2008

Lo grop coneis la notorietat internacionala de caps 1994 e 1995 ambe lo succès dels singles Come Out and Play e Self Esteem, eissits de l'album Smash paregut en 1994. Aquel album se vendrà a mai d'onze milions d'exemplars capvath lo monde entièr. Aquela capitada internacionala s'inscriu dins un contèxt pòst-Nirvana ont lo punk ròck beneficia d'un retorn de vam de popularitat. D'autras formacions punk de la meteissa epòca coma Green Day, Rancid e NOFX participan tanben a n'aquel fenomèn. Eissits de la scèna locala californiana, aqueles grops veson lèu lor musica s'espandir a l'escala nacionala americana puèi dins lo monde entièr ambe un brave sosten de las ràdios, de las cadenas de television musicalas e de la premsa.

Après la capitada de Smash, Offspring fa de viradas mondialas e enregistra de nombrosas cançons, que mantunas vendràn encara de tubes coma Pretty Fly (for a White Guy) e Why Don't You Get a Job? en 1999, The Kids Aren't Alright e Original Prankster en 2000, o encara Hit that en 2004.

Discografia modificar

  • 1989 : The Offspring
  • 1992 : Ignition
  • 1994 : Smash
  • 1997 : Ixnay on the Hombre
  • 1998 : Americana
  • 2000 : Conspiracy of One
  • 2003 : Splinter
  • 2008 : Rise and Fall, Rage and Grace
  • 2012 : Days Go By
  • 2021 : Let the Bad Times Roll

Cançons mai conegudas modificar

  • Come Out and Play (1994)[1]
  • Self Esteem (1995)[2]
  • Gotta Get Away (1995)
  • Pretty Fly (for a White Guy) (1999)[3]
  • Why Don't You Get a Job? (1999)
  • The Kids Aren't Alright (2000)
  • Original Prankster (2000)
  • Hit that (2004)

Referéncias modificar

  1. http://www.chartsinfrance.net/The-Offspring/Come-Out-And-Play-s1991.html
  2. http://www.chartsinfrance.net/The-Offspring/Self-Esteem-s2029.html
  3. http://www.chartsinfrance.net/The-Offspring/Pretty-Fly-For-A-White-Guy--s3101.html