Ofensiva de Belgrad
L'ofensiva de Belgrad se debanèt dins lo corrent de la Segonda Guèrra Mondiala dau 14 de setembre au 24 de novembre de 1944. Foguèt una tiera d'atacas destinada a liberar la mitat orientala de Iogoslavia organizada per l'armada sovietica, l'armada bulgara e lei partisans iogoslaus. Un autre objectiu dei Sovietics èra de fixar lei tropas alemanda estacionadas dins la region per empachar lo mandadís de renfòrç en Ongria ont avián d'importanteis ofensivas còntra Budapèst. S'acabèt per un succès important dei Sovietics e de seis aliats ambé la liberacion de Belgrad (24 de novembre) e de la màger part de Serbia. Pasmens, la Wehrmacht e seis aliats croats capitèron de se retirar en Croàcia e en Bòsnia onte restaurèron una linha defensiva solida.
