Observatòri
Un observatòri es un luòc utilizat per observar de fenomèns terrèstres ò celèsts. Probablament aparegut a la fin de la Preïstòria dins plusors regions diferentas per realizar d'observacions meteorologicas, lo concèpte conoguèt una evolucion importanta au sègle IX amb la fondacion dei premiereis observatòris dedicats a la recèrca scientifica per lei califas abbassidas de Bagdad. Pauc a pauc, plusors disciplinas scientificas metèron en plaça d'observatòris adaptats a sei besonhs e, uei, son totjorn fòrça utilizats per leis astronòms, per lei meteorològs, leis oceanològs ò lei volcanològs.
![](http://upload.wikimedia.org/wikipedia/commons/thumb/6/6d/Pic_du_Midi_de_Bigorre_Observatory.jpg/220px-Pic_du_Midi_de_Bigorre_Observatory.jpg)