Obelisc d'Arle

L'obelisc d'Arle es un obelisc d'origina romana situat sus la plaça de la Republica dins la vila d'Arle. Foguèt bastit au sègle IV dins lo Circ roman d'Arle dins lo corrent dau rèine de Constantin. Après la fin de l'Empèri Roman, lo circ foguèt abandonat e l'obelisc s'afondrèt au sègle VI. Foguèt descubèrt tornarmai en 1389 e Loís XIV de França decidèt de lo restaurar sus la plaça Reiala, çò que foguèt realizat en 1676. A sa cima, foguèt plaçat un soleu e un glòbe de bronze que foguèron remplaçat per un bonet frigian durant la Revolucion, un agla pendent l'Empèri, un gau durant lo rèine de Loís-Felip I^èr puei tornarmai per un soleu. Enfin, en 1866, foguèt installat un piramidion de bronze qu'es l'ornament actuau dau monument. D'autra part, dins lo corrent dau sègle XIX, un bacin de lions de bronze foguèron aponduts au sòcle.

Fotografia de l'obelisc d'Arle en 2008.

Bibliografia

• (fr) Emile Fassin e Auguste Lieutaud, L'Obélisque d'Arles, Imprimerie générale du Sud-Ouest (1909).