Norra skenet

Norra skenet ("Lutz del nòrd") es una escultura situada sul campus universitari de la vila suedesa d'Umeå qu'es venguda un simbòl de l'universitat de la region de Vätterbotten. Foguèt realizada en 1967 per l'escultor Ernst Nordin e installada dins l'universitat en 1969. S'agís d'un assemblatge de tubs rectangulars faches d'acièr inoxidable que foguèron soudats amassa diagonalament per donar un volum ovoidal a l'ensems e laissar a sos observadors l'impression d'enlairament de l'estela.

Norra skenet (Lutz del nòrd)

Lo monument que, coma o indica en part son nom, representa l'auròra boreala, un fenomèn caracteristic dels païses mai septentrionals e particularament de l'airal escandinau, èra a l'origina illuminat per un lum intèrn fòrt provenent de quatre espòts al sòl per imitar lo fenomèn natural.