Muriel Casals

Muriel Casals i Couturier (Avinhon, 6 d'abril de 1945 - Barcelona, 14 de febrièr de 2016) foguèt una economista e activista culturala catalana. Venguèt deputada del corrent politic catalan Amassa per l'Òc (en catalan: Junts pel Sí), aprèp d'aver obtengut un sèti en resulta de las Eleccions del Parlament de Catalonha de 2015. Posteriorament, se vegèt facha presidenta de la comission d'estudi del Procès Constituent al Parlament de Catalonha. Foguèt presidenta de Òmnium Cultural. Sa sòrre pichona, Montserrat Casals, èra una jornalista catalana famosa.

Biografia

Muriel Casals nasquèt a Avinhon en 1945 dins una familha modèsta; son paire, Lluís Casals, un avocat de Sabadell, èra un exiliat republican e sa maire, Augusta, èra originària de Sant Estève. Passèt son enfança a Sabadell e estudièt puèi a l'Universitat de Barcelona ont se diplomèt en 1969. Passèt mai tard un doctorat, e l'obtenguèt en 1981, a l'Universitat Autonòma de Barcelona, gràcias a sa tèsi La indústria tèxtil llanera i la guerra 1914-18 dirigida per Jordi Nadal. Comencèt, puèi, a trabalhar coma professora assistenta abans de venir titulara en economia a l'Universitat Autonòma de Barcelona.

Prèmis e guerdons

Premis i reconeixements

2014 — Prèmi al Foment dels Valors Republicans autrejat per l'ERC de Sabadell.
2016 — Medalha d'Aur de la Generalitat de Catalonha, a títol postum.
2016 — Medalha d'Aur de la Ciutat de Barcelona, a títol postum.
2016 — Medalha al Merit Ciutadan de la comuna de Sabadell.