Movement Revolucionari Tupac Amaru
Lo Movement Revolucionari Tupac Amaru foguèt una organizacion revolucionària peroviana marxista apareguda dins la premiera mitat deis annadas 1980 e dispareguda en 1997. Son nom vèn de Tupac Amaru II, cap de la darriera insureccion indigèna còntra leis Espanhòus en 1780-1781. Sei caps principaus foguèron Victor Polay Risco e Néstor Cerpa Cartolini. Dins l'encastre de la guèrra civila peroviana, formèt una guerilha còntra lo govèrn centrau e agantèt probablament un milièr de militants a son apogèu. Pasmens, a partir deis annadas 1990, subiguèt de pèrdas importantas en causa de la repression menada per lo regime d'Alberto Fujimori e per de combats còntra d'autrei guerilhas, especialament lo Sendier Luminós. En 1997, la revirada de la presa d'ostatges de l'ambaissada japonesa en Peró entraïnèt la disparicion dei darrierei fòrças organizadas dau Movement. Dempuei aquela annada, lo movement es considerat coma destruch.
