Mossad
L’Institut per leis entresenhas e leis afaires especiaus[1], abreujat en Mossad, es una dei tres agéncias d'entresenhas d'Israèl amb le Shabak (en carga de la seguretat interiora) e de l'Aman (en carga de la seguretat militara). A respècte d'aqueleis organizacions, lo Mossad a la particularitat de seguir d'objectius e de règlas de foncionament que son limitats per lei lèis constitucionalas dau país e son director es dirèctament plaçat sota l'autoritat dau Premier Ministre.
Lo Mossad es eissit dau SHAY, lo servici d'entresenha de la Haganah. La data oficiala de sa creacion es lo 13 de decembre de 1949. Es principalament cargat de la collècta d'entresenhas sus de poissanças estrangieras ò de movements de resisténcia arabes e de l'organizacion d'operacions especialas tant en Israèl que dins d'autrei país. A la fin deis ans 2010, seis efectius èran estimats a 7 000 òmes per un budget de 2,7 miliards de dolars.