Monts de Judèa

Los monts de Judèa que son un massís situat enter lo desèrt de Judèa e las planas litoraus de la mar Mediterranèa. Qu'an ua altitud mejana de 900 m e que son despartits en tres regions: los monts de Benjamin o de Bet-Èl (la vila centrau deus quaus ei Ramallah) au nòrd, los monts de Jerusalèm au center e los monts d'Ebron au sud. La temperatura mejana annau qu'ei de 17 °C mes òm que pòt aver 15 °C de diferéncia enter l'estiu e l'ivèrn. Lo nivèu mejan de ploja qu'ei de 450 mm per an. La cadena que's compausa màgerment d'arròcas sedimentàrias taus com lo calcari, la dolomia, la greda e lo silex e que's tròba sus ua jaça freatica qui alimenta los arrius qui se'n van de cap a la mar Mediterranèa. Que i a ua extraordinària diversitat de paisatges, dab ua riquessa d'espècias de flòra e de fauna. Suu lor territòri que's tròba mantun sit preïstoric e arqueologic (enter autes, lo sit de Ḥatula e l'espeluga de Šuqba).

Galeria

• 
  Los monts de Judèa près de Jerusalèm
• 
  Lo bòsc de Jerusalèm vist despuish Yad vaŠem
• 
  Hortalessa deu Parc nacionau haQastel
• 
  Lo Wadi es-Ṣur dens la vath d'Elah
• 
  Vista despuish Beit Meir
• 
  Vista de Ḫirbet al-Deir, sus la «linha verda» o «termièra de 1967» enter Israèl e Cisjordania.
• 
  Vestigis d'un bastiment ancian près de Nevè Miḥaèl
• 
  Ḥalḥul vist despuish lo mont Nabi Yunis, punt culminant o som deus monts de Judèa (e de l'estat de Palestina) (1 030 m)
• 
  L'espeluga de Šuqba