Mont Carmèl
|
Mont Carmèl
| |
|---|---|
| OpenStreetMap | . |
 Mont Carmèl | |
| Geografia | |
| Altitud | 546 m, Rom Carmel |
| Massís | |
| Coordenadas | |
| Administracion | |
| País | Israèl |
| Region | Aifa, Nòrd |
| Subdivision | |
| Geologia | |
| Edat | |
| Ròcas | |
Lo mont Carmèl (en ebrieu הַר הַכַּרְמֶל, Har HaKarmel, lo vinhal de Dieu) es un mont costièr en Israèl tresplombant la mar Mediterranèa. La vila d'Aifa se trapa per part bastida suls pendisses del mont Carmèl, coma d'autres vilòtas, coma Nesher o Tirat Carmel.
Istòria
modificar
Segon la Bíblia, lo profèta Elia i demorava, çò qu'explica son autre nom de « mont Sant Elia », en arabi جبل مار إلياس, Jabal Mar Elyas. Es sul mont Carmèl, qu'afrontant los prèires de Bal al nom del Dieu d'Israèl, Elia faguèt los miracles destinats a probar als Israelians la falsetat de sas cresenças idolastras o sincretistas. Aprèp la victòria, los prèires de Bal foguèron executats.
Un òrdre religiós de la Glèisa Catolica Romana, l'Òrdre del Carmèl (Carmes e Carmelitas), foguèt fondat sul Mont Carmèl al sègle XII per Sant Bertòld (mòrt en 1195), pelegrin o Crosat, qu'amb qualques autres comencèt a viure en ermita en tèrra Santa sul mont Carmèl coma ja l'aviá fach d'en primièr lo profeta Elia. Aquel òrdre foguèt organizat vèrs 1209 per Sant Albert Avogadro, patriarca latin de Jerusalèm que li donèt una règla prescrivent la mai granda pauvretat, la solitud e lo regim vegetarian. Aquel òrdre es, mondialament, l'un dels mai importants òrdres catolics.
Los Carmelitas penson qu'una comunautat d'ermitas josieus vivián sul Mont Carmèl del temps d'Elia, mas se ne trapèt pas cap de pròba fins ara.
Mausolèu del Bab e los baha'ins
modificarLo Mausolèu del Bab es situat sus la còsta del Mont Carmel çò que ne fa un site important pels baha'ins. Sus de laissas d'autres bastiments baha'ins formam lo centre administratiu mondial de lor religion[1].
Waco
modificar« Mont Carmèl » es lo nom qu'èra estat donat pels Branch Davidians, una sècta crestiana dels Estats Units d'America, a lor demorança que s'i debanèt en abril de 1993 un sètge murtrièr que causèt la mòrt de 82 personas.
