Modèl:Portau de Gasconha/Introduccion

Gasconha qu'ei ua region istorica: lingüisticament que hè partida d'Occitània; politicament qu'ei partejada enter França (per guaireben tot lo son territòri) e Espanha (per la Vath d'Aran). Qu'ei limitada per la Mar Grana capdarrèr, per l'estuari de Gironda capvath, per la part centrau de Garona o Arièja capavant e peus Pirenèus capsus. Qu'èra a la Hauta Edat Mejana un principat puish mei tard, tanben que vadó un fèu d'Anglatèrra e ua part deu reiaume de França. Mentre lo Ducat de Gasconha que s'aprima a partir de 1032 entà desaparéisher com entitat politica, ua identitat culturau gascona que subsisteish a travèrs deu Regim Ancian e dinc aus nòstes jorns.

Lo capdulh istoric de Gasconha qu'ei Aush.

Lo gentilici qu'ei gascon -a.