Michael Ward (alpinista)
Michael Phelps Ward (26 de març de 1925 - 7 d'octòbre de 2005) es un alpinista e un mètge britanic. S'interessèt a l'alpinisme après la Segonda Guèrra Mondiala e foguèt recrutat coma mètge dins plusors expedicions importantas en Imalaia. Ansin, en 1951, participèt a l'expedicion de 1951 au Mont Everest. Durant aquela mission, descurbiguèt de piadas que foguèron atribuïdas au ieti. Dos ans pus tard, participèt a l'expedicion victoriosa que permetèt a Edmund Hillary e a Tenzing Norgay d'arribar a la cima de l'Everest. Après aqueu succès, participèt a d'autreis expedicions destinadas a estudiar leis efiechs de l'altitud sus la fisiologia, a cercar lo ieti ò a bastir una escòla per lei Sherpas. En 1961, Ward realizèt la premiera ascension de l'Ama Dablam (6 812 m) amb Barry Bishop, Mike Gill e Wally Romanes. En revènge, la meteissa annada, una temptativa d'ascension dau Makalu mau capitèt a 8 300 m.
